شقـى وهمــوم ..

شقـى وهمــوم ..

أنا من وين ماوجهت ألاقيها شقى وهموم ..
أروح يمين وإلا شمال تتعثر بي مسافاتي ..
أنا اللي صافي قلبي ولا أحمل حقد أو لوم ..
أحب الخير لي وللغير وهذي هي غاياتي ..
أنا ليش الزمن ضدي ولا عمرة ضحك لي يوم ..؟
ولاحتى ضحك لي شوي تتكدر دائما كل ساعاتي ..!
بكيت ونحت لين أنه تبين في عيوني وسوم ..
قريب الشوف مني يروح من دموعي وعبراتي ..
اشكي حالتي لله وأنا مالي اعتراض عن المقسوم ..
إذا ضاقت بي الدنيا مالي غير الله وأهاتي ..
أنا ياحظ ايش سويت دايم حظي معك معدوم ..؟
جزاي اني عطيت الحب وزدته فوق طاقاتي ..!
أنا لو صحت أوأنهرت فلا أظن اني أبد ملوم ..
ولا ظنيت أحد يعاني كثر وناتي ومعاناتي ..!
أنا رحال وفي دربي عواصف تحرقني بسموم ..
أنا كلي رجى بالله ينور لي طريقي ومتاهاتي ..
خلاص يأست من الدنيا وأحس ان مابقى لي لزوم ..
الا يالله عوضني بأخرتي بجناني ..
وإذا ودعت هالدنيا ودفنتوني وعلي رجوم ..
على الله لو تذكرني من هو بأسبابه معاناتي ..
صحى قلبه ورجع لله وتذكر حاله المعدوم ..
بعد مافات وش ارتجي تساوت عندي كل حاجاتي ..